4
Ewe ränin Kot epwe war
4.1-6
Iei alon ewe Samol mi Unusen Manaman, “Nengeni, epwe war eu rän, epwe pulopul usun eu um. Iwe, ekewe chon lamalamtekia me ekewe chon föföringau repwe wewe ngeni fetilipwas. Lon ewe rän ekkei epwe kenirela pwe esap chüen wor eman lusun. Nge usun akkar a asarama fanü, iei usun pwüng epwe uwato manau ngenikemi mi aleasochisiei. Ämi oupwe towu o mwetemwet usun chök ekewe nienifön kow ra mwetemwet lupwen ra towu seni lenier. Lon ewe rän üpwe afisi ekei föför, ämi oupwe purätiu ekewe aramasangau, nge ir repwe usun chök falang me fän pechemi. Oupwe chechemeni mine üa aiti ngenikemi ren nei we chon angang Moses, ekewe allük me pwüüng üa ngenikemi me won ewe chuk Horep fän iten chon Israel meinisin.
Nengeni, ngang üpwe tinala remi ewe soufos Elias me mwen ränin ewe Samol mi Lapalap epwe war, ewe rän mi lap o eniweniu. Epwe akulu leluken ekewe sam ngeni nöür kewe, nge leluken ekewe nau ngeni semer kewe. Nge ika esap fis ei, üpwe feito o ataela ewe fanü ren eu anümamau.”