4
1 Lon ena fansoun füman fefin repwe amwöchü eman chök mwän o apasa, “Äm aipwe püsin tümwünükem ren mongö me pisek. Aipwe chök pwüpwülü ngonuk pwe äm säw epwe wes.”
Ewe ling Jerusalem epwe lingeni lon kan fansoun repwe feito
4.2-6
2 Lon ena fansoun, ewe irä ewe Samol mi Lapalap a ämärätä epwe fokun öch me ling, nge uän ewe fanü epwe fokun mürina me ling ngeni chokewe mi chüen manau mürin än Israel feiengau. 3 Iwe, ekewe aramas mi chüen manau lon Sion pwal lon Jerusalem repwe iteni chon pin, ir meinisin mi mak iter lon ewe puk pwe ra manau lon Jerusalem. 4 Ewe Samol epwe apwüngü o alimöchü chon ewe mwü ren an manaman, epwe talü än chon Jerusalem tipis me ewe cha mi ninitiu lon. 5 Mürin, ewe Samol mi Lapalap epwe awara eu kuchun ötüöt lerän won unusen ewe chuk Sion pwal won chokewe mi mwichefengen ikenan, nge lepwin epwe awara eu kuchun ekkei mi fokun saramaram. Iwe, an ling epwe pwölüela unusen ewe leni. ✡ Eks 13.21; 24.16 6 An ei ling epwe pwölüela chon ewe telinimw seni pwichikaren lerän, epwe pwal aopeer seni mölümöl me räningau.