Paipel OSEA 3
3
Osea me ewe fin lisowu
3.1-5
Iwe, ewe Samol mi Lapalap a üreniei, “Kopwe feila o tongesefäli pwülüom we, inamwo ika a lisowu ngeni eman nöün kamwet. Kopwe tongei usun chök ngang üa tongei ekewe aramasen Israel, inamwo ika ir ra kul ngeni pwal ekoch kot o efich ar eäni asor ngeniir föün wain mi apwas.” Iei mine üa möni neminewe won engol me limeföü föün moni silifer me ina epwe ükükün ülüpükü ilik paun parli. Iwe, üa üreni neminewe, “Kopwe fokun nom rei fansoun langatam. Kosap eäni föförün lisowu, kosap pwülüeni eman mwän, nge ngang üsap pwal kon reöm.” Iei usun chon Israel repwe nonom fansoun langatam, nge esap wor ar king ika nöür samol, resap asor, esap pwal wor ar ür mi pin, ar uluulun anümwäl me ar uluulun anün leimw. Mürin, ekewe chon Israel repwe kul o kütta ewe Samol mi Lapalap ar we Kot, pwal eman mwirimwirin Tafit ar we king. Repwe feito ren ewe Samol mi Lapalap fän chechech o angei an feiöch lon fansoun epwe feito.