Paipel ESRA 2
2
Iteiten ekewe aramas mi liwinto seni ar oola
2.1-70
(Ne 7.4-73)
Iwe, chomong seni ekewe aramas mi oola lon Papilon ra liwinsefäliti Jerusalem me Juta lon en me poputän telinimwan. Ir chokewe ewe king Nepukatnesar a uweerela Papilon me lom.
Iwe, nöür kewe souemwen Serupapel, Jesua, Nehemia, Seraia, Reelaia, Mortekai, Pilsan, Mispar, Pikwai, Reum me Paana. Iei iteiten ekewe mwän seni ekewe aramasen Israel mi liwinsefäl seni ar oola: Ekewe mwirimwirin Paros ükükün ruungeröü ipükü fik me ruoman. Ekewe mwirimwirin Sefatia ükükün ülüpükü fik me ruoman. Ekewe mwirimwirin Ara ükükün füpükü fik me limman. Ekewe mwirimwirin Pahat-moap, ir mwirimwirin Jesua me Joap ükükün ruungeröü walupükü engol me ruoman. Ekewe mwirimwirin Elam ükükün engeröü ruupükü lime me föman. Ekewe mwirimwirin Satu tiwepükü faik me limman. Ekewe mwirimwirin Sakai ükükün füpükü wone. 10 Ekewe mwirimwirin Pani ükükün wonopükü faik me ruoman. 11 Ekewe mwirimwirin Pepai ükükün wonopükü rüe me ülüman. 12 Ekewe mwirimwirin Askat ükükün engeröü ruupükü rüe me ruoman. 13 Ekewe mwirimwirin Atonikam ükükün wonopükü wone me wonoman. 14 Ekewe mwirimwirin Pikwai ükükün ruungeröü lime me wonoman. 15 Ekewe mwirimwirin Atin ükükün föpükü lime me föman. 16 Ekewe mwirimwirin Ater, ir mwirimwirin Hiskia, ükükün tiwe me waluman. 17 Ekewe mwirimwirin Pesai ükükün ülüpükü rüe me ülüman. 18 Ekewe mwirimwirin Jora ükükün ipükü engol me ruoman. 19 Ekewe mwirimwirin Hasum ükükün ruupükü rüe me ülüman. 20 Ekewe mwirimwirin Kipar ükükün tiwe me limman.
21 Iei iteiten ekewe mwän mi pwal liwinsefäl seni ar oola, lewor ra pop seni ekei telinimw: Seni Petleem ükükün ipükü rüe me ülüman. 22 Seni Netofa lime me wonoman. 23 Seni Anatot ükükün ipükü rüe me waluman. 24 Seni Asmafet ükükün faik me ruoman. 25 Seni Kiriat-jearim, Chefira me Peerot ükükün füpükü faik me ülüman. 26 Seni Rama me Kepa ükükün wonopükü rüe me eman. 27 Seni Mikmas ükükün ipükü rüe me ruoman. 28 Seni Petel me Ai ükükün ruupükü rüe me ülüman. 29 Seni Nepo ükükün lime me ruoman. 30 Seni Makpis ükükün ipükü lime me wonoman. 31 Seni pwal eu telinimw Elam ükükün engeröü ruupükü lime me föman. 32 Seni Harim ükükün ülüpükü rüe. 33 Seni Lot, Hatit me Ono ükükün füpükü rüe me limman. 34 Seni Jeriko ükükün ülüpükü faik me limman. 35 Seni Sena ükükün ülüngeröü wonopükü ilik.
36 Iei iteiten ekewe souasor mi liwinsefäl seni ar oola: Ekewe mwirimwirin Jetaia ir chon leimwen Jesua ükükün tiwepükü fik me ülüman. 37 Ekewe mwirimwirin Imer ükükün engeröü lime me ruoman. 38 Ekewe mwirimwirin Pasur ükükün engeröü ruupükü faik me füman. 39 Ekewe mwirimwirin Harim ükükün engeröü engol me füman.
40 Iei iteiten chon ewe ainangen Lefi mi liwinsefäl seni ar oola: Ekewe mwirimwirin Jesua me Katmiel, ir mwirimwirin Hotawia, ükükün fik me föman. 41 Iei iteiten ekewe chon köl: Ekewe mwirimwirin Asaf ükükün ipükü rüe me waluman. 42 Iei iteiten ekewe chon mamasa asamalapen imwenfel: Ekewe mwirimwirin Salum, Ater, Talmon, Akup, Hatita me Sopai, irfengen meinisin ipükü ilik me tiweman.
43 Ikkei ir ekewe chon angang ngeni imwenfel mi liwinsefäl seni ar oola: Ekewe mwirimwirin Siha, Hasufa me Tapaot, 44 Keros, Siaha me Paton, 45 Lepana, Hakapa me Akup, 46 Hakap, Samlai me Hanan, 47 Kittel, Kahar me Reaia, 48 Resin, Nekota me Kasam, 49 Usa, Pasea me Pesai, 50 Asna, Meunim me Nefisim, 51 Pakpuk, Hakufa me Harur, 52 Paslut, Mehita me Harsa, 53 Parkos, Sisera me Tema, 54 Nesia me Hatifa.
55 Ikkei ir mwirimwirin nöün Salomon kewe chon angang mi liwinsefäl seni ar oola: Ekewe mwirimwirin Sotai, Hasoferet me Peruta, 56 Jaala, Tarkon me Kittel, 57 Sefatia, Hatil, Pokeret-hasepaim me Ami.
58 Iwe, iteiten ekewe chon angang ngeni imwenfel me ekewe mwirimwirin nöün Salomon kewe chon angang ükükün ülüpükü tiwe me ruoman.
59 Ikkei iteiten chokewe mi feito seni ekewe telinimimw Telmela, Telharsa, Cherup, Atan me Imer, nge resap tongeni afata än semelaper kewe cho, ika ir mwirimwirin chon Israel: 60 Ekewe mwirimwirin Telaia, Topia me Nekota ükükün wonopükü lime me ruoman. 61 Nge seni lein ekewe souasor esap afat lewor: Ekewe mwirimwirin Hapaia, Hakos me Parsilai. Ätei a angei eman pwülüan seni ekewe fefin nöün Parsilai ewe re Kiliat o iteni iten semen pwülüan we. 62 Ikkei ir ekewe mwän ra kütta iter me lein chokewe mi makelong iter lon ewe puken uruwo, nge resap küna. Iei mine resap tongeni wiseni ewe wisen souasor, pun ra nom lon tettelin chon limengau. 63 Iwe, ewe kepina a üreniir pwe resap tongeni mongö seni ewe mongö mi unusen pin, tori epwe wor eman souasor mi tongeni kütta pwüngün ren ewe Urim me Tumim * Urim me Tumim ruu minen asisil ra aea le asisila letipen Kot. Num 27.21
64 Iwe, iteiten unusen ewe mwichen aramas mi liwinsefäl seni ar oola ükükün faik me ruungeröü ülüpükü wone. 65 Nge nöür chon angang mwän me chon angang fefin resap alealong lon ei iteit ükükün fisungeröü ülüpükü ilik me füman. Mi pwal wor nöür chon köl mwän me fefin ükükün ruupükü. 66 Iwe, mi pwal wor nöür oris ükükün füpükü ilik me wonoman, nöür ätemwänin aas ükükün ruupükü faik me limman, 67 nöür kamel ükükün föpükü ilik me limman, nge nöür aas ükükün wonongeröü füpükü rüe.
68 Iwe, lupwen ekewe chon oola ra tori imwen ewe Samol mi Lapalap lon Jerusalem, ekoch me lein ekewe mwänirelan än semer kewe cho ra uwato ar asor seni mochenin letiper fän iten ewe imwen Kot, pwe epwe kaütä lon lenian me lom. 69 Iei ükükün mine ra tongeni fangala ngeni ewe angang: ina epwe ükükün engeröü ipükü paun kolt, ina epwe ükükün ülüngat ton silifer me ipükü üfen souasor.
70 Iwe, ekewe souasor, chon ewe ainangen Lefi me ekoch me lein ekewe aramas ra nonom lon Jerusalem me wisoposopun. Nge ekewe chon köl, ekewe chon mamasa asamalapen imwenfel, pwal ekewe chon angang ngeni ewe imwenfel me ekewe lusun chon Israel meinisin ra nonom lon en me an telinimw. 1.Kron 9.2; Ne 11.3

*2:63: Urim me Tumim ruu minen asisil ra aea le asisila letipen Kot

2:63: Num 27.21

2:70: 1.Kron 9.2; Ne 11.3