27
Ekewe allük repwe mak me won ewe chuk Epal
27.1-10
Iwe, Moses me ekewe souakomwen Israel ra allük ngeni ekewe aramas o üreniir, “Oupwe aleasochisi ekewe allük meinisin üa allük ngenikemi ikenai. Lon ewe rän, lupwen oupwe pwerela pekilan ewe chanpupu Jortan o pwerelong lon ewe fanü ewe Samol mi Lapalap ämi we Kot epwe ngenikemi, oupwe senätä fau mi watte o amotouur ngeni pweech, oupwe pwal makei wor ekei allük meinisin. Lupwen oua tolong lon ewe fanü mi pwülüöch o fanüeräs, ewe Samol mi Lapalap än ämi kewe lewo we Kot a fen pwon ngenikemi, o nom pekilan ewe chanpupu Jortan, oupwe senätä ekewe fau me won ewe chuk Epal o amotouur ngeni pweech, usun üa allük ngenikemi ikenai. Ikenan oupwe senätä eu rongen asor seni fau, nge ousap falei ekewe fau ren pisekin angang seni mächä. Iwe, oupwe senätä eu rongen asor ngeni ewe Samol mi Lapalap seni fau resap fal o eäni asoren kek me won ngeni ewe Samol mi Lapalap ämi we Kot. Eks 20.25 Oupwe pwal eäni ämi asoren kinamwe ikenan o mongö ewe asor. Iwe, oupwe pwapwa me fän mesen ewe Samol mi Lapalap ämi we Kot. Oupwe makeöchü ekewe allük meinisin won ekewe fau.” Jos 8.30-32 Mürin, Moses me ekewe souasor ir chon ewe ainangen Lefi ra üreni ekewe chon Israel meinsin, “Oupwe mosonoson o aüselingaei, ämi chon Israel. Ikenai oua wiliti nöün ewe Samol mi Lapalap ämi we Kot mwichen aramas. 10 Iei mine oupwe aleasochisi alon ewe Samol mi Lapalap ämi we Kot o apwönüetä an kewe allük me pwüüng üa allük ngenikemi ikenai.”
Ekewe kapasen anümamau seni won ewe chuk Epal
27.11-26
11 Iwe, lon ewe chök ränin Moses a allük ngeni ekewe aramas o üreniir, 12 “Lupwen oua pwerela pekilan ewe chanpupu Jortan, ikei iten ekewe ainang repwe ütä me won ewe chuk Kerisim pwe repwe afeiöchü ekewe aramas: Simeon, Lefi Juta, Isakar, Josef me Peniamin. Tut 11.29; Jos 8.33-35 13 Nge ikei iten ekewe ainang repwe ütä me won ewe chuk Epal pwe repwe eäni ekewe kapasen anümamau: Rupen, Kat, Aser, Sepulon, Tan me Naftali. 14 Mürin, ekewe mwän seni ewe ainangen Lefi repwe pwärätä ngeni ekewe chon Israel meinisin ekei kapas fän mwelier mi leüömong,
15 ‘A anümamau eman mwän mi föri eu uluulun anümwäl seni mwüch ika seni mächä o fel ngeni lemonomon, pun ei mettoch mi för ren pöün eman soufal a anioput me ren ewe Samol mi Lapalap.’ Nge ekewe aramas meinisin repwe apasa, ‘Amen.’ Eks 20.4; 34.17; Lif 19.4; 26.1; Tut 4.15-18; 5.8 16 ‘A anümamau eman mwän esap asamolu saman me inan.’ Nge ekewe aramas meinisin repwe apasa, ‘Amen.’ Eks 20.12; Tut 5.16 17 ‘A anümamau eman mwän a amwökütü kiännin fanüen chon arun.’ Nge ekewe aramas meinisin repwe apasa, ‘Amen.’ Tut 19.14 18 ‘A anümamau eman mwän a atokala eman mi mesechun seni alan.’ Nge ekewe aramas meinisin repwe apasa, ‘Amen.’ Lif 19.14 19 ‘A anümamau eman mwän a sorei mine a pwüng ngeni eman chon ekis, eman mi mäsen me eman fefin mi mä pwülüan.’ Nge ekewe aramas meinisin repwe apasa, ‘Amen.’ Eks 22.21; 23.9; Lif 19.33-34; Tut 24.17-18 20 ‘A anümamau eman mwän mi kon ren pwülüen saman, pun a turunufasei saman ren.’ Nge ekewe aramas meinisin repwe apasa, ‘Amen.’ Lif 18.8; 20.11; Tut 22.30 21 ‘A anümamau eman mwän mi kon ren eman man.’ Nge ekewe aramas meinisin repwe apasa, ‘Amen.’ Eks 22.19; Lif 18.23; 20.15 22 ‘A anümamau eman mwän mi kon ren fefinan, ese lifilifil ika neminewe nöün saman föpwül ika nöün inan föpwül.’ Nge ekewe aramas meinisin repwe apasa, ‘Amen.’ Lif 18.9; 20.17 23 ‘A anümamau eman mwän mi kon ren inen pwülüan.’ Nge ekewe aramas meinisin repwe apasa, ‘Amen.’ Lif 18.17; 20.14 24 ‘A anümamau eman mwän a niela chon arun lemonomon.’ Nge ekewe aramas meinisin repwe apasa, ‘Amen.’ 25 ‘A anümamau eman mwän mi angei eu lifangen amichimich, pwe epwe niela eman aramas esap wor an tipis.’ Nge ekewe aramas meinisin repwe apasa, ‘Amen.’ 26 ‘A anümamau eman mwän esap aleasochisi ekei allük o apwönüretä meinisin.’ Nge ekewe aramas meinisin repwe apasa, ‘Amen.’ ” Kal 3.10

27:6: Eks 20.25

27:8: Jos 8.30-32

27:12: Tut 11.29; Jos 8.33-35

27:15: Eks 20.4; 34.17; Lif 19.4; 26.1; Tut 4.15-18; 5.8

27:16: Eks 20.12; Tut 5.16

27:17: Tut 19.14

27:18: Lif 19.14

27:19: Eks 22.21; 23.9; Lif 19.33-34; Tut 24.17-18

27:20: Lif 18.8; 20.11; Tut 22.30

27:21: Eks 22.19; Lif 18.23; 20.15

27:22: Lif 18.9; 20.17

27:23: Lif 18.17; 20.14

27:26: Kal 3.10